પોતાની એમ્બ્યુલન્સમાંથી તરફડતી વ્યક્તિઓને ઓક્સિજન આપ્યો; તેથી પોલીસે ગુનો નોંધ્યો !

વિક્કી કહે છે : “હું 29 એપ્રિલના બપોરે 1:30 વાગ્યે, જિલ્લા હોસ્પિટલની બહાર મારી એમ્બ્યુલન્સ સાથે હાજર હતો. ત્યારે મેં જોયું કે 16-17 વરસનો એક કિશોર દમ તોડી રહ્યો હતો. તેમના પરિવારજનો વ્યાકુળ બની ગયા હતા. હોસ્પિટલમાં જગ્યા ન મળવાને કારણે તેઓ બહાર બેઠાં હતાં. કિશોર કહી રહ્યો હતો કે પોતાને શ્વાસ લેવામાં તકલીફ પડે છે. હું આ ન જોઈ શક્યો. મેં એમ્બ્યુલન્સમાંથી જમ્બો સિલિન્ડર કાઢી ઓક્સિજન આપ્યો. સાંજના ચાર વાગ્યા સુધી કુલ 12 જેટલાં દર્દીઓને ઓક્સિજન આપ્યો. તે માટે દર્દીના પરિવારજનોએ મને પૈસા આપી રહ્યા હતા પરંતુ મેં પૈસા લેવાનો ઈન્કાર કર્યો. પોલીસ મને એરેસ્ટ ન કરે તે માટે બે દિવસથી નાસતો ફરું છું. બે દિવસથી ખાધું પણ નથી. મને જેલમાં જવાનો ડર નથી; પરંતુ પોલીસ ટોર્ચર કરશે તેનો ડર છે. મને જેલમાં મોકલી આપો. જેલમાંથી છૂટીને આવીશ ત્યારે ફરી આવી પરિસ્થિતિ જોવા મળશે તો હું ફરી મદદ કરીશ ! તરફડતા દર્દીઓને ઓક્સિજન આપવો તે કઈ રીતે ગુનો બને?”